常見問題
Quote3 點樣運作、價錢同清潔公司審核。
關於 Quote3
乜嘢係 Quote3 比三家?
香港嘅清潔報價比較平台。你提交一個查詢,最多 3 間核實過嘅清潔公司會聯絡你報價,你比較之後自己揀。
真係免費?
係。對你嚟講,查詢免費、無責任;清潔公司為查詢付費。
幾快收到報價?
視乎地區同清潔類型。我哋核實咗查詢就會轉介;冇公司接嘅話,我哋會話你知。
一定要揀其中一間?
唔使。所有報價都係無責任,你可以一間都唔揀。
你哋點樣審核清潔公司?
新公司要提供有效商業登記證同公眾責任保險,有僱員嘅仲要有僱員補償保險。我哋核實咗先會開通。客戶投訴會記錄,屢次違規嘅公司會被停用。
覆蓋邊啲地區?
全港十八區,包括離島,例如東涌、愉景灣同長洲。偏遠地區可能較少公司接,報價亦可能包車費。
我嘅資料會點處理?
你嘅資料只會交俾你揀嘅公司(最多 3 間),用嚟為你嘅查詢報價。我哋唔會賣俾其他人,亦唔會用嚟賣廣告。詳情睇私隱政策。
價錢
清潔要幾錢?
視乎面積、清潔類型、污漬程度同額外項目。可以用清潔價錢估算睇個大概,實際以公司報價為準。
點解報價會差咁遠?
公司用嘅人手、工時、清潔劑,同埋包唔包額外項目都唔同。消委會 2023 年嘅調查發現,同一面積嘅裝修後清潔,最貴嘅收費係最平嘅兩倍幾。比較報價時要睇清楚包咩。
報價一般包咩?
一般包人工、清潔劑同工具。窗戶外面、焗爐雪櫃內部、冷氣機同甲醛處理通常另計,喺查詢度剔選就會一齊報價。
清潔公司
我係清潔公司,點樣加盟?
喺清潔公司加盟頁免費登記,我哋核實商業登記同保險之後就會開通。
Quote3 會唔會自己做清潔?
唔會。我哋只做配對,唔會同合作公司搶生意。
Quote3 係唔係職業介紹所?
唔係。我哋只將一次性清潔工作轉介俾清潔公司,唔會介紹個別鐘點或者家務助理。